مش ها عيش يا بلادي إلا .. بين عيون بتخاف عليكي
بين قلوب صافية تحبك .. بين أيدين ماسكة في ايديكي
انتى فاهمة قصدي ولا .. صوتي مش واصل اليكي

                     اسمعيني  
يعنى أيه حرية وإحنا .. صوتنا بيقول غير كلامنا
يعنى أيه حرية وإحنا .. مسجونين  في حروف آلمنا
يعنى أيه ننسى جراحنا .. والكرامة ولون علمنا
                         فهميني
مش رغيف العيش يا بلدي .. اللي هيصون الوطن
ده القلوب الخايفة شايفة .. حلم أولادنا اندفن

قوم يا مصري .. مصر غالية .. على صوتك وأحكى وقول
غنى للخير اللي طالع من المصانع و العقول
واندهي الشمس العفية .. خلى ظلم الليل يزول

خلي ظلم الليل يزول